თარიღი: 11/10/2017

ფემინსტრიმი: სექსუალური ძალადობის ნარატივი პოპ მუსიკაში

დაახლოებით 20 წელზე მეტი ხნის წინ, ტორი ამოსი გახდა პირველი ცნობილი მუსიკოსი, რომელმაც საკუთარი სიმღერის საშუალებით გააჟღერა, თუ როგორ გახდა სექსუალური ძალადობის მსხვერპლი 21 წლის ასაკში. ამოსის თქმით, გარდა იმისა, რომ სიმღერა მისთვის კათარზისს წარმოადგენდა, დიდი იმედი ჰქონდა რომ მას ძალადობის მსხვერპლი ქალები, მათი ბოიფრენდები, მოძალადეები და მოსამართლეებიც მოისმენდნენ. Me and a Gun 1991 წელს გამოშვებულ პირველ სოლო ალბომში “Little Earthquakes“-ში შედის.